[l10n-no] Navigasjonslinje eller navigeringslinje?

[Karl Ove Hufthammer]

Eg klarar ikkje verta einig med meg sjølv om kva som er mest naturleg av 
«navigasjonslinje» og «navigeringslinje» på norsk. Det er altså snakk om 
denne linja med knappar som «Tilbake», «Fram» og «Heim» i for eksempel 
ein nettlesar, der ein kan navigera seg mellom nettsider/dokument. På 
engelsk heiter det «navigation bar» eller «navigation toolbar».

I KDE-omsetjingane har me vakla ein del. Eg finn for eksempel

   navigasjonskontroll
   navigasjonspanel
   navigasjonslinje

men òg

   navigeringsverktøy
   navigeringsknappar
   navigeringspanel
   navigeringsfane
   navigeringslinje

I tillegg brukar me «navigering» i ord som

   tastaturnavigering
   skrivebordsnavigering
   mappenavigering
   fingernavigering

men det er kanskje meir naturleg, då det er snakk om handlingar? (Men me 
har òg «musenavigasjon».)

Me bør vera konsekvente her, iallfall for dei orda som *startar* med 
«navigasjons-»/«navigerings-». Så har nokon synspunkt på kva som er 
språkleg best eller mest naturleg?


-- 
Karl Ove Hufthammer