[l10n-no] some remarks about the Bokmaal translations for nano

[Karl Ove Hufthammer]

Johnny A. Solbu skreiv 22.06.2021 01:23:
>> Then I also noticed an inconsistency in how "..." is 'translated'
> The reason is quite simple: muscle memory.
> For some reason I find it easier to just type «AltGr+.» which produces that.

Ein liten kommentar om dette: Eg har hatt same problem, men då med 
program som kunne brukast *både* i kommandolinje- og GUI-modus. Det var 
altså ikkje mogleg å veksla mellom «...» og «…» avhengig av modus. Eg 
enda opp med å bruka «…» (altså ekte ellipseteikn). Og no brukar eg det 
òg i program som er reine kommandolinjeprogram. I starten syntest eg 
dette såg rart ut (når ein brukte fastbreiddskrift), men no synest eg 
faktisk det er bra. Teiknet har jo ei spesiell tyding (viser til eitt 
eller fleire valfrie argument), og då er det faktisk rimeleg at det 
framstår som éi eining / eitt teikn. Så på ein måte er det betre enn den 
engelske varianten med «...».

Det vert litt som ligaturar, som har blitt så populære (men òg hata) i 
moderne skrifttypar for programmering. Der vert for eksempel dei to 
teikna => heller vist som teiknet ⇒ eller liknande. Sjå for eksempel 
https://github.com/tonsky/FiraCode.


-- 
Karl Ove Hufthammer