[l10n-no] LibreOffice omsett til nynorsk

[Karl Ove Hufthammer]

Eivind Ødegård skreiv 06.01.2023 10:00:
> Eg for min del har berre lyst til å takke deg for strålande godt 
> arbeid gjennom mange år. Eg har ikkje finlese omsetjingane i nyaste 
> utgåva, men synest generelt at språket i Libreoffice på di vakt har 
> vore godt, presist og ikkje i vegen for bruken. Du er verdig nokre 
> fortenestmedaljar i edelt metall for arbeidet du har gjort. Både eg 
> sjølv og alle som bruker nynorsk har mykje å takke deg for. 

Vil berre seia meg 100 % einig i det Eivind Ødegård skriv! Alltid kjekt 
å sjå LibreOffice i nynorsk språkdrakt. Kolbjørn har gjort ein 
kjempejobb med å laga ei veldig god omsetjing her. Og i dei *få* 
tilfella eg har funne og meldt frå om skrivefeil e.l., har han alltid 
vore kjapp med å retta opp.

I tilfelle folk ikkje er klar over kor mykje *arbeid* som ligg bak ei 
slik omsetjing, har eg køyrt ein kjapp statistikk på omsetjingsfilene. 
Den nynorske omsetjinga inneheld no 679 060 ord. Og om lag 3,7 
*millionar* teikn (resultatet av omtrent like mange tastetrykk!).


-- 
Karl Ove Hufthammer