[l10n-no] «Likes» på norsk

[Karl Ove Hufthammer]

Kva skal me kalla «likes» på norsk? Alle veit vel kva det er snakk, men 
viss ikkje:

https://en.wikipedia.org/wiki/Like_button

Det er veldig vanleg å kalla dette «likes» (altså uttalen «laiks») også 
på norsk, men eg synest me bør bruka eit norsk ord i omsetjingane våre. 
Eg føreslår «likarklikk» («likerklikk» på bokmål). Det er ganske nært 
det engelske originalordet, følgjer norsk skrivemønster og er lett å 
forstå. Det står òg i ordboka NAOB: https://naob.no/ordbok/likerklikk

Ein kunne sjølvsagt brukt «anbefalingar», «tilrådingar», «opp-stemmer» 
(eller berre «stemmer»), «anerkjenningar» eller (på bokmål) «bifall». 
Men det ligg ei litt anna vurdering i fleire av desse (ein *anbefaler* 
ikkje nødvendigvis det ein legg inn eit likarklikk på), og dei er 
fjernare frå den engelske originalteksten.

For spesifikke tenester/program kan ein sjølvsagt bruka meir spesifikke 
ord, som «hjarter» eller «opp-tomlar».


-- 
Karl Ove Hufthammer