[l10n-no] Android og nynorsk

[Leif Halvard Silli]

Nokre meir direkte kommentarar som går på sjølve Android-feilmeldinga, 
sjå nedanfor.

Den 07.02.2024 21:24, skreiv Eivind Ødegård:
> Her var endeleg eit emne som eg nesten kan svara på, så eg takkar for 
> at du tok det opp. Eg har prøvd å driva lobbyverksemd for nynorsk 
> Android hjå mållaget i lang tid, så langt utan synderleg hell. Eg 
> limer inn ein liten bete av det eg har skrive til noverande leiar 
> Peder Lofnes Hauge. Mykje av dette er sjølvsagt kjent stoff for oss 
> som driv med omsetjingar, men det kan kanskje òg forklara litt. Særleg 
> oppmodar eg folk her på lista, det vil seia dei som har Google-konto 
> (det har ikkje eg), til å røysta fram førespurnaden om nynorsk Android 
> jfr. lenka under. Dersom då nokon har hug til å starta, er det berre å 
> setja i gang. Det ser ikkje ut som me får hjelp av mållaget, så me må 
> gjera det sjølve her òg.

Eg har no «røysta» ved å trykkja på +1-knappen øvst på sida. Men skal 
ein få til noko, må ein nok gå inn djupare i saka, og koma med konkrete 
framlegg om korleis ein kan oppnå __noko__, alt so for å skjøna kva slag 
mogelegheiter som ligg innanfor den «logikken» som er gjeldande i det 
konkrete problemløysingsuniverset ...

Eg la til dømes merke til at einkvan poengterte at feilmeldinga berre 
handla om å gjera det mogeleg med nynorsk utan at sjølve 
nynorskomsetjinga låg/ligg føre.

Det kan difor kanskje vera at det __ville hjelpt__ å ha 
nynorskomsetjinga klar, for å seia på den måten. (Men om det finst nokon 
måte å byrja eit slikt prosjekt på – som deretter kunne inkorporerast i 
Android, det veit eg ikkje.)

Programmerarar har kanskje ein (ikkje heilt usunn) aversjon mot å løysa 
prinsippielle ting på eit reint prinsippielt plan, eller koss eg skal 
seia det ... Ein kunne jo tenkt seg at dei sa ja til å løysa feilen, men 
så ville det likevel ikkje skjedd noko før nynorskomsetjinga låg føre ...

> Reint konkret kan du sjå på ein av førespurnadene om nynorsk Android her:
>
> https://issuetracker.google.com/issues/160714156

Men elles ser at eg har sagt mykje tull om korleis «appspråk» fungerer: 
Det er faktisk mange appar som støttar «appspråk» ser det ut til. Men 
det ser, igjen, ut til at det berre er dei «offiselle» Android-språka 
som er tilgjengeleg  der ...

Leif