[l10n-no] Force feedback på norsk

[Karl Ove Hufthammer]

Sigmund Hansen skreiv 27.06.2021 21:39:
> Den 20.06.2021 10:48, skrev Karl Ove Hufthammer:
>> Hei!
>>
>> Har nokon forslag til kva me kan kalla «force feedback» (i vid
>> forstand) i spelsamanheng på norsk? Det er snakk om vibrering og følt
>> motstand i den fysiske eininga ein brukar til å styra spelet. I eit
>> bilspel kjenner ein for eksempel kraftig vibrering i rattet (eller
>> styrespaken eller spelkontrollaren) når ein krasjar, ulik vibrering på
>> ulike vegdekke eller motstand i rattet i krappe svingar.
>>
> Vibrasjon (rumble) som finnes i en håndkontroller, regnes gjerne ikke
> som "force feedback". I hvert fall ikke ut fra APIer og drivere, mens en
> flystikke eller ratt og pedaler som gir motstand, rykker, napper og
> rister, har ganske avanserte muligheter for å bevege disse, har
> "gamepads" som regel bare styring av frekvens.

Takk for nyttig teknisk presisering. Eg er ikkje sikker, men eg trur 
omgrepet omfattar både vibrering og «force feedback» i min samanheng (og 
det var derfor eg skreiv «i vid forstand» ovanfor).

Eg har no fått desse forslaga:

Meg: haptisk tilbakemelding
Reinholdtsen: fysisk respons eller fysisk tilbakemelding
Hansen: likte fysisk respons (betre enn fysisk tilbakemelding), ev. 
haptisk respons
Silli: fysisk kraft-respons/-effektar

Silli meinte «fysisk respons» var for upresist. Generelt sett er det 
kanskje det, men eg trur det i min samanheng er presist *nok*.

Eg vel derfor å endra omsettinga frå «haptisk tilbakemelding» til 
«fysisk respons».


-- 
Karl Ove Hufthammer